Agi malu mai le savili

O ita pei a faamaalili

Ma o'u tino e maniti mafaufau ia oe suiti

 

Lalelei tasi i le Vaimauga

Le faamapu'epu'e o Papauta

Loimata o Apaula le taunuuga o moomooga

 

Tali: Afe ane laia se'i e malolo

I Loimata o Apaula le asoa auro

Tu mati'e le malumalu

Ae faamalumalu ifo o Vaea 

Ma loifofoga o le Tamaita'i o faasūsū i auvae mauga

 

A asiasi ane i le afiafi 

Fa'aeteete oe ne'i e ma'i 

Si ona ea mālū e suamalie a niu a'ati

 

A e fia tofu i si o'u vai

E te lē tau fa'anoi mai

Ae malolosi ona ave ne'i e lē masani ai

 

Tali: Afe ane laia...

 

O ona laufanua lanulau'ava

Ma atufalega e fa'atatafa

Ua ati fa'asolosolo fa'ata'amilo a'e i mauga

 

Gasolo ane o teine o le Papa

Le laumua, o le i'oimata

Si o'u pale fuiono ou te tiu ai i lenei vasa

 

Tali: Afe ane laia...