Samoa e, o le ‘a ‘ou pese

I vi’ivi’iga o si o’u nu’u pele

‘Aiga Taua’ana ‘oute tiu ai

Ne’i siligia pe taumate mai

O si o’u nu’u, ‘o Si’ufaga i Falelatai

‘E ‘atoa ia oe, pou e fitu o ‘aiga

O lou fa’alagiga, le to’atolu ma Misa

O ou maota ‘ua tofia, ma le la’au na fausia

Tagata o le vavau, ma vae o le nofoafia

Afio Lealaitanumoa ma lou ‘aiga

I Tausunu, ‘o le maota o manaia

Afio o Taefu i Tupatupa, lou maota e matagofie

Fa’alavaau i Matagiagimalie

O ou falesa o le Puna o le Olataga

E fa’afaileleina ai le ola fa’aleagaga

Si’ufaga e, ma ou tupulaga

‘Aua ne’i galo lou mitamitaga

O a ta measina ma lo ta fa’asinomaga