O le tafatolu lena ‘o lo ‘o tu mai

Leulumoega ua feagai ma lomitusi

‘A ‘o Malua, ‘ua fa’ase’ese’e, ‘e aga’i i Sasa’e

‘Ae lumafale ai ‘o le ‘auala tele

 

TA LA LA LA 

 

Sau ia se ‘i ‘e tepa

Sau ia se ‘i ‘e nofo

I le tafatolu, ‘e malie ai ‘o si o’u loto

 

Tama e, ‘o le lupe

Ua igoa i le LMS

Tatou o ‘e fa’afiafia

I le mamalu ma le pa’ia

(I Roma) I Roma Fou

(Le nofoaga) I le nofoaga

E a’oa’oina ai le malamalama

 

Pe ‘afai o le ‘a ‘e ulufale i totonu

Fa’aeteete o lo’u savali ma le ‘aufailotu

Saga e ula ia Malua ‘aua ‘o ia ‘e matua

‘A ‘o le Mualua ‘e le ‘uma lava ‘ae sua

Le Ekalesia, ‘ua gasolo

I Malua i le fono

Ita e, ‘ua le maunofo

Fealua’i solo

Sa’ili se tasi ‘e tutusa loto

 

Leai se mea, ‘oute mafaia

‘Ae sili ai ona, o’o mai o le i’uga

O lenei sala, ‘e mata’utia

Po ‘o le oti, ‘oute talia

 

Le vaveao, le tafa o ata

Ita e, ‘ua moe i loimata

Pe ‘a fa’asolo, ‘ua pei o se ata

O ou foliga i lo’u nei agaga

 

Lou fatu e, ‘ua tafe toto 

Ua vaivai ai lou loto

I lau  lupe  lena sa olo 

I le paolo ona tolotolo 

 

Sei agi maia le toelau 

I lou nei mafaufau 

Ou te popole nei le taulau 

O lou alofa ia tumau 

 

 

Faimai o lalo lava o le talie 

I tala ane o le fale vali e

Na punonou ai o ali’i o le komiti 

Ua ta’ua o le Papa o Misi 

 

Pepese ia (i le pese)

Fa’afetai (i le lagi)

Ua aofia mai le Ekalesia

I le Ma’a o le Tusi Paia

 

Mati’amati’aitu’au 

Finao ma Vaitu’utu’u

Na sunu’i ai le mālō o le Atua

Na valo’ia e Nafanua

 

Gasolosolo mai o isi lotu 

E fa’aali o le mau tāofi

A ua mautū le fa’avae o le ‘upu moni

Ua to’ilalo ai Sēoli

 

O le ‘a fai atu la’u tala

Tala i si o’u nu’u e, pele i lo’u agaga

Alu ane o sau malaga aga’i i Sisifo i le Tuamasaga

Le ‘a’ai ‘e tu mai i uta, malama pei o le tioata

O atufalega ‘e fa’atatafa, ‘e ‘ai’aiuli le falemafutaga

E si’omia i le pa, pei o Ierusalema i le amataga

 

Malua o si o’u laumua

I’oimata o le Ekalesia

E a’otauina ai toa o le taua fa’aleagaga

Susulu atu lou malamalama i Samoa ma le lalolagi ‘atoa

Ia fa’aolaina agaga saisaitia i le pogisa

 

Samoa lou maluapapa

E afua mai ai uaga mea fa’aleagaga

Le ola fa’atalanoa e tineia uma ai la’ei toa

Le mata’upu silisili ia ola le tagata ‘atoa

Tupu o le tino ma le mafaufau

Feso’ota’iga ia lelei tumau

Ae afifi mea uma i le ola e fa’avavau

 

Mitamita i si o’u agaga

Leai o se mea ‘e fa’aletonu i le soifuaga

Lelei au fa’ato’aga, ‘e pula tu fa’i ‘a’o talo e pala

O le vaisima, tafe tetele pei o le Ioritana

Selau pasene lo’u vaitaumafa

Eli mai mauga i lalo o papa

Leai ni siama, ne’i maua ‘oe ‘e se ma’i leaga