Tulouna le pa’ia tele o le afio’aga, o pa’ia mai le vavau e o’o i le fa’avavau, tau ia ina ‘ou saua i le va ‘ina ne’i o’u malaga loa ae se’i o’u afeaina lape o upu i sala le gagana, auā e faigatā Samoa o le aomamala i le fa’asouga o ao ma le atufolasa. O le pa’ia ma le mamalu maualuga o le afio’aga i ona tulaga fa’alupelupeina. Aiga o tupu, Aiga o pāpā, Aiga o nofo. E leai se na te gafataulimaina, auā ua ta’o’oto a’o ni alao’o. O le fale tulutulu i tao a’o le fale fo’i e tulutulu i moana. O le vao filifili, o le fue lavelave, o le i’a iviivia, fai mai a sēsē lona auauina, e laoa ai le tagata, tulou. O le ala fo’i lea ua si’i ai lo’u va’a, e ala i le mafua ali’i ua laga, ona o lo’u fia pa’i i le vai o le tama talu ‘ata ua totō o le ‘ava. E i ai ona ‘ou valuvalusia a’a o le la’au pe tēfā le tauala i le tōfā ma le faautaga i le pa’ia o le afio’aga ua mafua ai ona ‘ou le utuvai i le fuiniu, ‘ae ua ‘ou utuvai i le fuisa’a e afua atu i lenei galuega, sa fa’atalatalanoa ai ni isi o tua’ā matutua ma toe ulutaia o le afio’aga ua mafua ai ona tatala le ato ponapona e ala i le fa’asoa.‘E leai se ‘atoa i le liu o lo’u va’a pe ana le o gatasi ma le finagalo o le Atua, semanū e atafasaina fa’afuga o la’au e to’ulu lenei faamoemoe . E matua atu iinā, ‘o ‘oe o le matua faitama.
‘Afai e iai se mea e fa’aletonu i luga i lenei 'upega o tafa’ilagi, ia fa’amagalo le auauna, auā ‘ou te talitonu o lou leo o le a manuia ai lenei taumafaiga vaivai. E poto lava le tautai, ae sēsē ma 'ela ai le va'ai.
FA'ALUPEGA
Afio mai lau afioga a le Tupufia (Faumuina)
Susū mai anoalo (Titoiaivao & Ufagafā)
Susū mai usoalii (Muagututi'a & Lealaitafea)
Susū mai le 'Āiga Sā Alaivanu (Tago, Alaivanu, Toomāta, Titialii) O Ali'i o 'Āiga
Susū mai le tamaita'i (Taua'a)
Mamalu mai la 'oulua fetalaiga, Tuatoo ma Muafono
Ma 'upu iā te oe le Sa'ole.
EKALESIA FA'APOTOPOTOGA KERISIANO AMERIKA SAMOA (EFKAS) I ALOFAU
ALOFA TUNOA O LE ATUA
EKALESIA ASO FITU O LE TOE AFIO MAI (SEVENTH-DAY ADVENTIST) I ALOFAU
EKALESIA METOTISI SINOTI AMERIKA SAMOA I ALOFAU
AAO O LE ALOFA
FAASUAGA IA FAUMUINA MOLITAU TUIKA MA LE TUPU TAMA'ITA'I O PERETANIA O ELISAPETA (2nd) I LE TAUSAGA E 1977
AFIOGA(FAASUAGA) IA FAUMUINA TUIKA (3rd)
TA'ALOGA KIRIKITI
TAMA O LE MEAESE
PC: M3LO Sports Photography
O LE MAFUA'AGA O LE NU'U O ALOFAU
Sa masani nu'u nei o Alofau ma Fagaitua ona fai o le "FALEALILI"
Sa 'ave le igoa lea o "ALI'I TAU'AVA" ia Faumuina ma Le'iato
O Faumuina o le ali'i tau'ava lea o le ava i Alofau
O Le'iato o le ali'i tau'ava lea o le ava i Fagaitua
'Ae ta'ua 'uma tagata fagogota i Alofau ma Fagaitua i lenei igoa o "ALI'I ALO"
Afai la 'o le 'a o tagata 'e alo (fagogota), 'o le igoa 'e fa'aigoaina ai, o tagata 'e o 'e alo fau 'a Faumuina.
A ola la ia fau ia na alo, 'ona 'ili lea o le pu ma tafu le afi, ma sasa le polata (pafa'i) 'e fa'amalu, 'ona tao ai lea o malauuli.
'A 'o le afi lea 'ua tafu, 'e masani 'ona iloa mai i le ava i le Avatele 'o lo 'o iai i le va o Nu'uuli ma Tafuna. Ona fa'apea mai lea o tagata mai le ava i Avatele pe 'a va'ai 'ua pusa atu le afi iinei i Alofau, ona latou fa'apea lea:
"UA OLA FAU A FAUMUINA SA ALO"