E lumafale i moana ae tua i le papa

E lauiloa i fa’atautaiga i le vasa

Si ona tamā’oaiga o lo ’o maua mai

I laufanua naumati ma le alititai

 

Ne’i e siligia ita Sāmoa po ’o ai

O tala’aga o le lalolagi e te silafia ai

‘Āiga i le tai e ua e masani

O le to’oto’o e tausia le fealofani

 

Le pa’ia i le to’afā ua e mautinoa

Usoali’i fa’apea alo o Malietoa

Susū mai Sa’u ua ‘ātoa ou tapa’au

Ae pola puipui e Futi ma Auapa’au

Ne’i taumate si o’u matupalapala

A’o Tolufale le alo o Tuiā’ana

O tofiga lava ua ala ai ona e fa’alupe

O ita nei o le feagaiga a Tumua ma Pule

 

Ne’i fa’apea ua ou fatu fua o se tala

O tala tu’u o le atunu’u ua malamalama

O le olaga tauivi talu mai le vavau

Sau ia ua malie toa ua mālō tau

 

Na usuina lenei pese e:

Felise Mikaele