O le “Taeao” po ‘o le “Aso” lea na taunu’u ai i Savai’i (Lealatele-Patamea) faife’au po ‘o misionare o le lotu Katoliko, ma tagata sa latou malaga mai i le ‘aumaiga o le talalelei o le Mālō o le Atua i Sāmoa. Sa taliaina fo’i ‘e tamāli’i ma tulafale le Ekalesia Katoliko sa taunu’u i le motu tele o Savai’i.

E maliu Iesu i le tausaga 33 AD, ‘e na ‘o le Feagaiga Tuai ‘o lo ‘o iai (Hebrew Bible). E fa’ato’ā tusia le ulua’i tusi o le Feagaiga Fou i le pe ā ma le tausaga e 51 AD. E fa’ato’ā maua le ulua’i Evagelia (Mareko) i le po ‘o le tausaga e 60-67 AD. A fua lā i le vā na fa’ato’ā fa’amauina ai le ulua’i tusi o le Feagaiga Fou i ni tusitusiga, pe ā ma le 18 tausaga pe sili atu fo’i o tu’ufa’asolo mai le Talalelei iā Iesu Keriso e ala i le soifua galulue, le molimau ola ma le lauga a le ‘au Aposetolo. 

 

O ā mea na latou tu’ufa’asolo mai?

 

O mea na latou maua mai i fofoga o Iesu i taimi uma, i le olaga o Iesu, na a’oa’oina ai i latou, i le galuega fa’aola a Iesu, ‘aemaise o le fa’aosofia o le Agaga Pa’ia ia i latou. 

 

Ina ‘ia ‘ātoatoa pea ma ia olaola pea le Talalelei e o’o i le fa’avavau, na tofia ai e le ‘au Aposetolo epikopō e fai ma o latou sui e fa’aauauina le tu’ufa’asologa mai o le Talalelei ma a’oa’o i lo latou tulaga ‘auā ‘ua amata ona matutua ma maliliu atu fo’i le ‘au Aposetolo ma ulua’i tagata o le Talalelei. O a’oa’oga ia ‘a le ‘au Aposetolo na tu’ufa’asolo mai i le Ekalesia lea ‘e fanau mai ai Aganu’u Pa’ia.

 

 

0 - Fanau Iesu

30 - Papitema Iesu

33- Maliu Iesu

51- Tusi le ulua’i tusi o le Feagaiga Fou

67- Tusi le ulua’i Evagelia

70- Tusi le isi Evagelia

80- Tusi le isi Evagelia

90- Tusi le isi Evagelia

100- Tusi le Evagelia a Ioane

175- O le ulua’i fono

325- O le isi fono

382- O le isi fono

393- O le fono i Hippo

397- O le fono i Kate

405- Ua tapunia le Kanone, ‘ua ‘ātoa le Tusi Pa’ia

1545- Ona fa’ato’ā toe fesiligia le Kanone i le taimi o le Reformation o Martin Luther (break way from the church)

 

‘A ‘o ai na tu’ufa’atasia?

 

O le fono na tapunia ai le Kanone ma fai mai, o le tatou tusi na, ‘ua lava na tusi.

E tele isi tusi ‘e lē ‘o iai i totonu o le Tusi Pa’ia e pei o:

Evagelia a Tomasi (Thomas)

Evagelia a Petelu

Na te’ena ‘e le Ekalesia, ‘e le ‘i taliaina ‘e tu’u i totonu o le Tusi Pa’ia.

E iai ma isi tusitusiga ‘e fau mai ai le ata o le Davinci Code. E fau mai i isi tusitusiga sesē. E taumafai ‘e fa’aleaga le Talalelei, lea ‘e fai mai ai le Ekalesia, leai, ‘ave’ese, ‘e le ‘o gatasi ma le fa’aaliga mamana e ala mai iā Iesu Keriso. O lea na mafua ai loa ona tapuni le Kanone, ‘ua lē ‘o toe iai ni tusi ‘e toe fa’aopoopo mai i totonu.

 

 

Mileto, Epikopo o Sardis - 175 AD

Sagato Irenaeus, Epikopo o Lyon - 185 AD

Eusebius, Epikopo o Caesarea 325 AD

I le tausaga 382 AD na tusia ai e Pope Damasus i se tusi i le fono i Roma ma lisiina ai tusi e 73 o le Kanone o le Feagaiga Tuai ma le Feagaiga Fou

 

I le tausaga e 393 AD na fa’amaonia ma pasia ai i le fono i Hippo (North Africa) le Kanone o le Tusi Pa’ia Katoliko.

I le 397 AD i le fono i Kate (Carhage) na toe iloilo ai fo’i ma toe fa’amaonia ai le Kanone o le Tusi Pa’ia Katoliko.

405 AD na fa’amausaliina ai loa ‘e Pope Innocent i le 73 tusi o le Tusi Pa’ia ma tapunia ai loa le Kanone o le Tusi Pa’ia.

O LE KOLISI FA'AFEAIFE'AU I MOAMOA