FA'ALUPEGA

 

Afio mai Tauiliili, o le ali’i o le itū

Susū le sa’o iā Faletagoa’i

Susū mai Taumuafono ma Fau’olo

Fetalaiga i tauto’oto’o iā Liua ma Taifane

Ma upu ia te oulua Sa’olo (Sula ma Mailealo)

 

 

Tulouna le pa’ia tele o le afio’aga, o pa’ia mai le vavau e o’o i le fa’avavau, tau ia ina ‘ou saua i le va ‘ina ne’i o’u malaga loa ae se’i o’u afeaina lape o upu i sala le gagana, auā e faigatā Samoa o le aomamala i le fa’asouga o ao ma le atufolasa. O le pa’ia ma le mamalu maualuga o le afio’aga i ona tulaga fa’alupelupeina. Aiga o tupu, Aiga o pāpā, Aiga o nofo. E leai se na te gafataulimaina, auā ua ta’o’oto a’o ni alao’o. O le fale tulutulu i tao a’o le fale fo’i e tulutulu i moana. O le vao filifili, o le fue lavelave, o le i’a iviivia, fai mai a sēsē lona auauina, e laoa ai le tagata, tulou. O le ala fo’i lea ua si’i ai lo’u va’a, e ala i le mafua ali’i ua laga, ona o lo’u fia pa’i i le vai o le tama talu ‘ata ua totō o le ‘ava. E i ai ona ‘ou valuvalusia a’a o le la’au pe tēfā le tauala i le tōfā ma le faautaga i le pa’ia o le afio’aga ua mafua ai ona ‘ou le utuvai i le fuiniu, ‘ae ua ‘ou utuvai i le fuisa’a e afua atu i lenei galuega, sa fa’atalatalanoa ai ni isi o tua’ā matutua ma toe ulutaia o le afio’aga ua mafua ai ona tatala le ato ponapona e ala i le fa’asoa.‘E leai se ‘atoa i le liu o lo’u va’a pe ana le o gatasi ma le finagalo o le Atua, semanū e atafasaina fa’afuga o la’au e to’ulu lenei faamoemoe . E matua atu iinā, ‘o ‘oe o le matua faitama.

‘Afai e iai se mea e fa’aletonu i luga i lenei 'upega o tafa’ilagi, ia fa’amagalo le auauna, auā ‘ou te talitonu o lou leo o le a manuia ai lenei taumafaiga vaivai. E poto lava le tautai, ae sēsē ma 'ela ai le va'ai.

EKALESIA FA'APOTOPOTOGA KERISIANO AMERIKA SAMOA (EFKAS) I POLOA

LE FAITOTO'A O LE MALAMALAMA

PUNA O LE OLA

EKALESIA METOTISI SINOTI AMERIKA SAMOA I POLOA

MAUGA O TAPUAIGA

TALA O LE VAVAU MA LAGISOIFUA O LE AFIO'AGA I POLOA

TAUTO’OTO’O NA LELEO I ALAFALE

ATO PUMO’OMO’O

UA SĀ TAPUTAPU

VAI TULIA I VASĀ

LUANIA

LOTO O TAMA’ITA’I

LOTO O TANE

VAITILOFIA

 

AFIO MAI TAUILIILI O LE ALI’I O LE ITŪ

Ua o’o mai nei le solo a matai o le nu’u ma e tofu le matai ma le ‘ava. ‘Ua mua’i fa’atalofa ma le malaga ma ‘ua fa’apenā fo’i ona nofoia le itū o le nu’u i le afio o le ali’i sili o le nu’u i le isi pou ogatotonu o le isi tala po ‘o le pou o le matuātala ‘ae o isi tamali’i ‘ua alaala fa’asolosolo i tafatafa o le ali’i sili i lona itū i luma ma lona itū i tua e fa’atatau i o latou nofoaga i totonu o le nu’u.

O le ‘ato pumo’omo’o e fa’agaga mo le la’ua faiva ma ‘o i totonu o le ‘ato ‘o lo ‘o iai le lega. Na tu’u ‘e tama’ita’i le lega i se nofoaga fa’apitoa, lea ua igoa nei se vaega o le lau’ele’ele o le afio’aga o le “LEGA”. O luga a’e o lea nofoaga ‘o lo ‘o iai se vai ua igoa o le “VAI TULIA I VASA”, ‘ona ‘e feagai lelei ma le moana sausau o le vasaloloa.

‘Ua mae’a ona u’u ao o tama’ita’i i le lega, ‘ona aga ifo lea i le loto e fa’amalu ai, ‘ua igoa ai nei loto ‘o:

LOTO O TAMA’ITA’I po ‘o LOTO O FAFINE

O lo ‘o iai fo’i LOTO O TANE po ‘o LOTO O TAMALOLOA ‘e puipui ai tama’ita’i mai le osofa’ia ma le fa’atama’ia e o la fili.

 

O LE VAOSĀ O TAMA’ITA’I

Ua sā taputapu se tagata ona toe ui i lea vaega o le ‘a’ai.

O LE FALEPOGISĀ

E fa’apefea ona tupu le mea iā Tilafaigā?

 

  • Taunu’u Taema ma Tilafaiga ‘ae po loa le aso (Poloa)
  • Na liua tagata i le ava (Liua)
  • Taunu’u teine ‘ae ga’e loa ma le tai (Taifana’e po ‘o Taifane)
  • Taifane ma Liua (Tauto’oto’o)
  • Leleo i alafale (Saolo)

“AI E POLOA LE MǕ, ‘AE ‘ONANĀ AI FAGALI’I”

Na fai e isi tagata se mea, ‘ae ‘ua afaina ai fua isi tagata, ‘e le ‘i iai i le amataga.

 

  • O le malaga a Nafanua e sau e asi mai le nu’u o lona tinā.
  • Pe mafai ona ‘ave se lega e fai ma molimau o le o’o mai o Nafanua i Poloa
  • O Sulusulu na alu ‘e logo Liua ma Taifane i le fono, ‘ina ‘ia tafi ‘ese Fatutalie ‘ona o amioga fa’atūfanua. O Fatutalie o se uso tu’ofe iā Saolo.

 ATO PUMO’OMO’O A TAEMĀ MA TILAFAIGĀ